கண்ணனே சரண் - தனியன்கள்

உலகில்-தோன்றும் எதுவும்-என்னை உதறவேநீ சொல்கிறாய்

புலனில்-தோன்றும் ஆசையாவும் பற்றிடாதே என்கிறாய்

களத்தில்-போரில் மனதில்-அமைதி கொண்டு-நீயும் நிற்கிறாய்

உளத்தில்-உன்னை கொள்ள-எதுவும் முடியும்-என்றும் சொல்கிறாய்

பிறப்பில்-உயர்ந்த தெய்வத்-தோன்றல் பார்த்தன்கூட கலங்கினான்
புரிவதாக இல்லைநீயும் கூறியது என்கிறான்
குறைவதான அறிவிலுன்னை எப்படிநான் அறிவது
உறைவதாக மனதிலுன்னை எப்படிநான் அழைப்பது

பேயாய்-மனது அடங்கிடாமல் அலைந்திடவே செய்யுது
நாயாய்-மீண்டும் வாலைக்குழைத்து மேடுநோக்கி செல்லுது
நோயாய்-யாண்டும் செய்த-கருமம் பற்றி-என்னைத் தொடருது
வாயால்-நானும் கதறிடவே சோர்வில்-மனதும் ஓயுது

சபையிலன்று அழைத்த-குரலில் இரக்கம்கொண்ட கண்ணனே
கஜனின்-குரலில் துக்கம்-கேட்டு இறங்கி-வந்த மன்னனே
விரைவிலிரங்கி கருணை-காட்டு உறங்கிவாழும் என்னிடம்
புரிவதாக வழியைக்காட்டிச் சேர்த்துக்கொள்நீ உன்னிடம்..!

*மேடு = குப்பை மேடு என்பதாகும் புலன் வழி பற்று 

__________________

கண்ணன்உலகின் மன்னவன் மாந்தருக்குக் கண்ணவன்
தெரிந்திடாத குறையிருந்தும் பார்த்திடாத தாயவன்
புரிந்திடாத பூசையிலும் மகிழ்ந்திருக்கும் தூயவன்
புரிந்து-நிற்கும் குற்றங்களை மறந்திருக்கும் சேயவன்
__________________

* அகத்தினில் உரைக்கும் காரம்

கணத்தினில் விரைந்தே போக்கும் 

இனிப்புமாம் கண்ணன் பாதம் 

பனிக்குமாம் நெஞ்சில் ஓதம் 

விலகுமாம் உந்தன் சேதம் 

விளங்குமாம் சித்தன் போதம் 

 *அகத்தினில் உரைக்கும் காரம் = அகங்காரம் 

__________________

ஒருமை கொள்ள இருமைவிட்டு

*மூன்று வேளை பூஜைவிட்டு

நான்கு வேதக் கருவரிந்து

ஐந்து பூத உலகிருந்து

*ஆறுமாக நீர் பெருக்கி

எழுபிறப்பின் வினை அறுக்க

*எண்டிசையின் வெளித் துறந்து

ஒன்பது வாய் உடல் மறந்து

வித்திலா விதம் படுத்த

*பத்துமான கீத மன்னன்

சத்தியத்தின் அன்பு பாதம்

பணிந்திருநீ பாழ் மனமே

*மூன்று வேளை பூஜைவிட்டு =

தூல உலகின் பலன் கருதி,மூன்று வேளை மட்டும் பூஜை என்றில்லாமல் அனவ்ரதமும் இறை நினைவில் இருப்பது.

*ஆறுமாக நீர் பெருக்கி = பக்தியில் விழி நீர் சொரிந்து

*எண்டிசையின் வெளித் துறந்து = உள் நோக்கி இருந்து

*பத்துமான = தசாவதாரன்

 __________________

ஒரு போர் முனையில் கண்ணன் அதை உரைத்தான்

( மெட்டு = ஒரு தாய் வயிற்றில் பிறந்த உடன் பிறப்பில்-உரிமைக் குரல் )

____________________________________

ஒரு போர்-முனையில் கண்ணன் அதை-உரைத்தான்

கொஞ்சம் அதை-நினைத்தால் நெஞ்சம் சிலிர்த்து-எழும்

(2)

நம்போல் மனிதருக்கும் யோகம் புரிந்துயரும் 

நல்ல வழி-அழகாய் அந்த கீதை-தரும்     

ஒரு போர்-முனையில் கண்ணன் அதை-உரைத்தான்

கொஞ்சம் அதை-நினைத்தால் நெஞ்சம் சிலிர்த்து-எழும்

 (MUSIC)

சோக உரு வாகி சொந்த நிலை-மாறி பார்த்தன் தடுமாறவே

ஸ்லோகம் எழு-நூறில் கண்ணன் தரும்-கீதை பிறவி மருந்தாகுமே

உண்டு-நாம் காணவே கண்டு-நாம் தேறவே

கண்ணன் சொன்ன-கீதை என்றும்-பாதை காட்டுமே

ஒரு போர்-முனையில் கண்ணன் அதை-உரைத்தான்

கொஞ்சம் அதை-நினைத்தால் நெஞ்சம் சிலிர்த்து-எழும்

 (MUSIC)

  உடலைச்-சதமென்று உலகை-நிஜமென்று மனது நினைக்கின்றது

செயலை எனதென்று *பலனின் நிலை-கண்டு சிரித்து-அழுகின்றது

உன்-திறம் உன்-வசம் என்பது ஏதடா

என்றே சொல்லும் கீதை ஒன்றின் மேலே ஏதடா

ஒரு போர்-முனையில் கண்ணன் அதை-உரைத்தான்

கொஞ்சம் அதை-நினைத்தால் நெஞ்சம் சிலிர்த்து-எழும்

 (MUSIC)

இன்பம் பலனென்று செயலில் வரும்போது செயலை எனதென்கிறாய்

துன்பம் வரும்போது இறைவன் செயலென்று அவனை நீ-நோகிறாய்

(2)

கண்ணனே நித்தியம் சொன்ன-சொல் சத்தியம்

** அறியா நோயும்-தன்னால் போக அதுதான் வைத்தியம் (2)

ஒரு போர்-முனையில் கண்ணன் அதை-உரைத்தான்

கொஞ்சம் அதை-நினைத்தால் நெஞ்சம் சிலிர்த்து-எழும்

 நம்போல் மனிதருக்கும் யோகம் புரிந்துயரும் 

நல்ல வழி-அழகாய் அந்த கீதை-தரும்     

ஒரு போர்-முனையில் கண்ணன் அதை-உரைத்தான்

கொஞ்சம் அதை-நினைத்தால் நெஞ்சம் சிலிர்த்து-எழும்

* இன்பம் பலனாகக் கிட்ட மகிழ்ந்து களிப்பதும் துன்பப் பலனில் அழுவதும் சாதாரண மனதின் இயல்பாக இருக்கிறது 

** அறியாமை நோய்
____________________

முதல் பக்கம்